Balay nasunog

CEBU, Philippines - Mikabat ngadto sa P950 mil ang danyos nga gibilin sa sunog sa usa ka duplex house sa Casal’s Village, barangay Mabolo ning siyudad.

Ang balay, matud ni SFO1 Nilo Daculan, gipanag-iya sa magsuong John ug Raymund Sulay, architect ug doktor.

Matud pa ni SFO1 Daculan nga si Vanessa nga asawa ni John mibutyag kanila nga ang sunog nagsugod sa kuwarto sa ikaduhang andana sa dihang ang DVD game player   gibiyaan nga naka-plug.

Si Vanessa miingon nga nakatimaho sila og sunog hinungdan nga ilang gisusi, apan dako na ang kalayo ug dili na matabang sa fire extinguisher hinungdan nga nanganaog nalang sila. - BANAT NEWS