P200 mil nasakiyo sa 2 ka tulisan
- Lesley Caminade-Vestil () - August 30, 2010 - 12:00am

CEBU, Philippines - Halin sa tindahan nga mobalor og P200 mil gisakiyo sa duha ka tulisan pasado alas 8 sa miaging gabii sa sitio Pajo, barangay Cansaga, lungsod sa Consolacion.

Ang gitulis mao si Lucia Herana, 48, molupyo sa maong lugar, nanag-iya og tindahan sa barangay Tayud.

Sa pakighinabi sa Banat News kang PO1 Adonis Teraña, mibutyag kini nga samtang si Herana uban sa iyang anak nga si Archie nagmaneho sa ilang double pick-up (YGD-575) paingon mopauli sa ilang panimalay, kalit lang mibabag ang itom nga motorsiklo nga adunay sakay nga duha ka tawo.

Sa dihang mihunong na ang sakyanan, ang duha ka wala mailhing lalaki mipabuto sa dala nilang wala mahibaw-ing klase sa armas hinungdan nga nangabli sa bintana si Herana.

Gitiunan si Herana ug ang iyang anak ug mideklarar og hold-up. Tungod sa kahadlok nga pamusilon, gihatag ni Herana ang bag nga adunay sulod nga 200 mil nga halin sa tindahan.

Apan ang mga tulisan wala pa makuntinto, mikuha pa gayud sa cellphone ni Herana nga nagkantidad og P4 mil ug misibat palayo.

Matud pa ni PO1 Teraña nga posibleng nakabantay ang mga tulisan nga adunay dala nga dakong kwarta ang biktima hinungdan nga gi-atangan kini.

Ang kapolisan mipahigayon pa og lawom nga imbestigasyon pag-ila sa mga tulisan ug si kinsa ang nakasaksi sa hitabo tungod kay walay saksi nga mipatim-aw sa ilang buhatan. (BANATNEWS)

ADONIS TERA APAN BANAT NEWS CANSAGA CONSOLACION GITIUNAN HALIN HERANA LUCIA HERANA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with