BOC nakaigo sa target

CEBU, Philippines - Hayahay kaayo ang dughan karon sa taga Bureau of Customs (BOC) Cebu tungod kay nakakuha kini sa ilang target nga kolektahunon sa buwan sa Hunyo ug sa unang kuwarter ning tuiga.

Puwerting lipaya ni BOC Cebu District Collector Ronnie Silvestre gumikan ning maong kalampusan ubos sa iyang pagpanguna sukad niadtong Decembre 2009.

Nasayran gikan kang Conrado Abarintos, hepe sa collection section sa BOC Cebu nga mikolekta sila og P568,778,159.39 gikan sa collection target nilang P568,037,000.00 sa buwan sa Hunyo.

Samtang sa unang kuwarter ning tuiga nakakolekta sila og P3,625,213,705.00 gikan sa collection target nila nga P81,607,705.00.

Busa debuenas kaayo si Kolektor Silvestre sa iyang pagdumala sa BOC Cebu.  – BANAT NEWS