Comendador hayan ilisan sa CCPO
- Rey Pasaporte () - May 25, 2010 - 12:00am

CEBU, Philippines - Duna nay mga hugon-hugon nga posibling adunay lapad nga re-shuffling nga ipahigayon ang Cebu City Police Office (CCPO) inig lingkod na unya sa bag-ong napiling mayor sa dakbayan nga si Bise Mayor Michael Rama karong Hunyo 30.

Si Sr. Supt. Patrocinio Comendador, hepe sa kapolisan sa dakbayan nagkanayon nga dunay re-shuffling nga mahitabo sa mga opisyal sanglit dunay movement karun ug siya gikatakdang ilisan na pagka-director sa CCPO.

Si Comendador naglingkod na sulod sa tulo ka tuig sa CCPO mipadayag sa kaandam pagbalhin sa laing unit gumikan kay nasayod siyang overstaying na gyud siya sa maong buhatan.

Siya nahimong permanenteng direktor sa CCPO human gipili ni outgoing mayor ug congressman-elect Tomas Osmeña niadtong 2007.

Sumala pa ni Comendador daghang mga opisyal sa kapolisan nga adunay katakos ug nangandoy nga makahupot og posisyon pagka-city police director.

Adunay mga huhungihong nga si Comendador ug ang hepe sa Regional Intelligence Division (RID) sa Police Regional Office-7 nga si Sr. Supt. Melvin Buenafe posibleng i-swap   ug ang naulahi maoy itudlong officer-in charge sa Cebu City Police Office (CCPO) samtang nangita pa og permanenteng direktor.

Laing duha ka pangalan ang misibaw nga pilianan mao sila si Sr. Supt. Anthony Obenza ang hepe sa Police Community Relation sa PRO-7 ug ang hepe sa Lapulapu City Police Office (LLCPO) nga si Sr. Supt. Mariano Natuel kinsa parehong nakaserbisyo na sab sa CCPO. (BANATNEWS)

ANTHONY OBENZA BISE MAYOR MICHAEL RAMA CEBU CITY POLICE OFFICE COMENDADOR LAPULAPU CITY POLICE OFFICE MARIANO NATUEL MELVIN BUENAFE PATROCINIO COMENDADOR POLICE COMMUNITY RELATION SR. SUPT
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with