Katabang nasakpang nangawat
- Cerie Uy Gamboa () - May 24, 2010 - 12:00am

CEBU, Philippines - Nasikop ang usa ka babaye human kini mahibaw-i nga nangawat sa iyang amo didto sa Saint Paul Street Cebu Royal, barangay Casili lungsod sa Consolacion sa miaging adlaw.

Ang biktima mao si Aileen Ortez, 35, adunay kapuyo nga Hapon sa maong dapit, samtang ang suspetsadong kawatan mao ang iyang katabang sa balay nga si Jeneveb Bonghanoy, 21, nga taga barangay Taptap ning dakbayan sa Sugbo.

Matud pa ni PO1 Adonis Teraña dihang nahinabi sa Banat News, nga ang maong suspetsado gipapapalit og bugas sa iyang amo, apan pipila na lamang ka oras, wala gihapon kini mahibalik.

Gumikan niini iyang gisumbong sa kapolisan ug dihang nasikop ang suspetsado nasakmitan kini og dul-ang 360, 000 nga Japanese Yen nga kung ilisan sa peso mokabat kini og P184 mil (basi sa website sa Bangko Sentral ng Pilipinas), laing P30 mil, usa ka unit sa apple cellphone kolor pink nga nagkantidad og P23 mil, pitaka nga adunay kwarta ug relo de pulso.

Si PO1 Teraña midugang nga ang biktima misugilon kanila nga ang iyang uyab nga Hapon adunay dala nga 3 milyones nga   Japanese Yen nga gitago nila sa ilang lawak.

Ila kining namatikdan dihang magkuha unta sila og kwarta aron pa-ilisan sa money changer og peso, apan namatngonan nila nga kinuhaan na kini ug   ilang gidudahan nga ang nagkawat mao ang ilang katabang.

Human nadawat sa mga kapulisan ang taho gikan sa biktima, dali kining mipahigayon og hot pursuit operation ug didto na nila hisakpi ang suspetsado sa ilang balay sa barangay Taptap. Gi-uli sa suspetsado ang maong salapi ug kasamtangan kining na gidetiner karon sa Consolacion detention cell.

Nagplano usab ang biktima nga mopasaka og kaso batok sa suspetsado karong adlawa. – BANAT NEWS

ADONIS TERA AILEEN ORTEZ BANAT NEWS BANGKO SENTRAL CONSOLACION HAPON JAPANESE YEN JENEVEB BONGHANOY
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with