^

Mayor-elect sa Carcar nangayo'g escort

- Rey Pasaporte () - May 19, 2010 - 12:00am

CEBU, Philippines - Nakadawat og hulga sa iyang kinabuhi ang bag-ong midaog pagkamayor sa dakbayan sa Carcar nga si Necipuro Apura ug buot mangayo og police escort gikan sa Cebu Provincial Police Office.

Si Apura mibisita kagahapon sa buntag sa buhatan sa pangulo sa kapolisan sa lalawigan nga si Sr. Supt. Erson Digal tungod sa mga giingong nadawat niyang hulga sa kinabuhi.

Si Digal nga nahinabi sa mga tigbalita nagkanayon nga giseryoso ni Apura ang hulga nga nadawat nga gipaagi lamang sa text nga nagbahad kaniyang dili siya palingkoron pagkamayor karung Hunyo 30.

Wala usab masayod si Apura kun si kinsa ang mipadala sa maong text apan dako ang pagdudang mga kaatbang niini sa politika ang responsable.

Sugod kagahapong adlawa gihatagan si Apura og usa ka polis nga temporary escort, apan human unya sa ilang evaluation sa hulga iya kining dugangan og laing polis escort.

Si Apura kagahapon kuyog sa iyang hepe sa kapolisan nga si Supt, Renato Malazarte miawhag sa kapolisan nga padayunon ang pagpahigayon og checkpoint aron madakpan kining mga badlungon sa katilingban nga duna nay record sa kapolisan.

Gipahibalo usab ni Digal nga gibutangan na og usa ka team sa Special Reaction Unit (SRU) ang dakbayan sa Carcar nga anha magbase sa barangay Liboron aron maoy motutok sa problema sa drugas ug sa mga nahitabong pagpamusil ilabi na sa barangay Ocaña.

Ang labing ulahing biktima sa pagpamusil nahitabo niadtong Biyernes sa kaadlawon diin ang barangay kapitan sa Ocaña nga si Jose Diac Husain gipatay ug ang anggulo sa drugas maoy gidudahang motibo sa krimen.

Ang hepe sa Provincial Intelligence Branch (PIB) nga si Supt. Rodulfo Albotra gimanduan ni Digal nga motabang sa kapolisan sa Carcar sa nagpadayon nga imbestigasyon.

Samtang sa iyang bahin si Supt. Malazarte namahayag usab nga padayon nilang gipanid-an karun ang mamumuno ni Husain sanglit nagtuo siyang anaa gihapon sa Carcar ang suspetsadong nailhan na sa kapolisan.  – BANAT NEWS

APURA CARCAR CEBU PROVINCIAL POLICE OFFICE DIGAL ERSON DIGAL JOSE DIAC HUSAIN NECIPURO APURA PROVINCIAL INTELLIGENCE BRANCH SI APURA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with