Kanhi GMA-7 program director namatay

CEBU, Philippines - Kanhi program director sa Eat Nata sa GMA-7 nga usa ka mahuyang napalgang patay kagahapon sa buntag sulod sa iyang giabangang pinuy-anan sa Escario Extension , sa sitio Kalumboyan sa barangay Camputhaw dakbayan sa Sugbu.

Ang napalgang patay giilang si Paulo Mercado, 40, lumad nga taga General Santos City.

Sumala pa ni SPO3 Rey Cuyos ug PO3 Julius Mabunay sa homicide section sa Cebu City Police Office ang managsuong Fred ug Teofil Enoc nga nag-abang sa tupad nga kwarto maoy nakadiskubre sa patay’ng lawas.

Gikatahong katapusang nakit-ang buhi si Mercado niadtong Miyerkules sa udto nga nagtan-aw og telebisyon sulod sa iyang lawak.

Apan nahibulong nalang ang magsuong Enoc nga wala kini mogawas kagahapon sa buntag hinungdan nga ilaha kining gisusi sa kwarto ug nakit-ang wala na kini kinabuhi.

 Dunay nakitang dugo nga migawas sa iyang ilong apan walay nakitang timailhang dunay foul play sa kamatayon niini. - Rey Pasaporte (BANAT NEWS)