Taga Cogon-Pardo nasagmuyo kang Tomas
- Brenda Batuto () - December 12, 2009 - 12:00am

CEBU, Philippines - Mga residente sa barangay Cogon-Pardo, dakbayan sa Sugbo nasagmuyo human nga ang gi-schedule nga medical-dental mission kagahapon sa Philippine Marines Corps ang gikanselar.

Ang kapitan sa barangay nga si Eugenio Gabuya Jr. sa pakighinabi niini sa Banat News kagahapon nagkanayon nga niadtong Disyembre 5 pa unta ipahigayon ang maong outreach program sa PMC apan tungod kay wala pay available nga mga doktor giuswag kini kagahapon.

Apan niadtong Huwebes sa alas 4:00 sa hapon nakadawat siya og mensahe sa text gikan sa PMC nga dili mahinayon ang maong medical mission apan walay gipadayag nga rason o hinungdan.

Apan iyang nabasa sa balita sa usa ka pamantalaan(di sa Banat News o sa The Freeman) nga gikatahong mibahad ang mayor nga mo-resign kini pagka-reservist sa PMC kung ipadayon ang medical mission. Matud ni Gabuya nga gipasanginlan siya ni Osmeña nga gamiton niya sa pamolitika ang maong programa, si Gabuya wala modagan og bisan unsang posisyon sa lokal sa umaabot nga eleksiyon.

Giangkon hinuon ni Gabuya nga kaalyado siya ni Jonathan Guardo apan sa maong medical mission dili lang ang kaalyado ni Guardo ang makapahimulos niini kundili tanang mga residente sa iyang barangay.

Kagahapong adlawa nagpunsisok ang mga tawo sa barangay hall alang unta sa maong kalihukan apan nagbagolbol nalang nga namauli human pahibaw-ang di na mahinayon ang maong programa.

Si Gabuya nagkanayon nga nausik ang pagkaon alang sa snacks ug paniudto nga ilang gi-order alang sa 90 ka tawo, 60 niini alang sa mga sakop sa PMC ug 30 sa taga barangay nga motabang.

Si Gabuya ang nangayo og pasaylo sa iyang mga lumolupyo tungod sa nahitabo.  – BANAT NEWS

 

APAN BANAT NEWS COGON-PARDO DISYEMBRE EUGENIO GABUYA JR. GABUYA JONATHAN GUARDO PHILIPPINE MARINES CORPS SI GABUYA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with