^

Banat Balita

2 Koreano gitipi sakop sa Mafia?

- Ni Guam Logroño -

CEBU, Philippines - Mga sakop sa dakong grupo sa sindikato sama sa Mafia o kaha sa Yakuza ang gitan-aw nga organisasyon nga posibleng maoy namatyan sa duha ka Koreano nga gilabay sa dumping site sa Uling, Naga niadtong Domingo nga naputos ang lawas sa pinusilan ug dinunggaban.

Kini tungod sa nakitang dagkong mga patik sa lawas sa mga Koreano nga nailhan nga sila si Choi Ho Sun, 41, ug Yang Soon Suk, 40.

Nailhan ang duha ka lawas human gi-claim sa laing Koreano nga nagpailang si Kang Sung Il sa St. Francis Funeral Homes.

Si South Korean consul Jung San Chul nga naabot kagahapon sa Sugbo gikan sa South Korea mipadayag sa mga sakop sa media nga usa sa ilang gituohang motibo sa kamatayon nilang Choi ug Yang mao ang panagbangi sa kuwarta ug negosyo sa drugas.

Wala isalikway ni Jung nga mga South Korean lamang usab ang mipatay ug mipalabay kang Choi ug Yang sa dumping site. Miingon kini nga tan-awon gyud sa mga awtoridad ang background sa duha aron mailhan ang tinuoray’ng motibo sa krimen.

Base sa rekord, walay negosyo dinhi sa Sugbo ang gipamatay nga mga Koreano ug mga turista lamang sila dinhi sa Pilipinas.

Naabot ang duha dinhi sa nasud niadtong Mayo. Gawas sa Sugbo, nakaadto usab ang duha sa Manila.

Si Chief Supt. Lani-O Nerez, director sa Police Regional Office (PRO-7) nagkanayon nga ila gyud nga gipapaspasan sa Foreign Liaison Section sa Regional Intelligence Division (RID) ang pagsulbad sa kaso.

Sumala pa ni Nerez gipaningkamutan sa iyang mga imbestigador nga madali ang kasulbaran sanglit nakadaot kini sa turismo sa nasud tungod kay daghang mga South Korean nga mga turista, ilabi na dinhi sa Sugbo.

Matud niya nga ang anggulo sa posibleng kalambigitan sa dakong sindikato sa duha ka Koreano tutokan usab sa kapolisan.

Dugang pa niini nga dili hinuon ika-alarma ang maong krimen sanglit usa lamang kini ka isolated case.

Makig-alayon ang kapolisan sa rehiyon sa mga awtoridad sa South Korea aron mapadali ang pagsulbad sa kaso.

Ang mga patay’ng lawas nilang Choi ug Yang anaa sa Rolling Hills Funeral Homes sa dakbayan sa Mandaue.

Kahinumduman nga nakaplagan ang mga patay’ng lawas nilang Choi ug Yang niadtong Domingo sa buntag kanus-a gihimo ang away nilang Manny Pacquiao ug Miguel Cotto sa Las Vegas.

Ang duha napuno sa dinunggaban ug pinusilan, nakit-an sa basurahan sa barangay Uling, Naga. Adunay nakakita nga gilabay kini sa usa ka yellow nga multicab van.   (BANATNEWS)

CHOI CHOI HO SUN DOMINGO DUHA KOREANO SOUTH KOREA SOUTH KOREAN SUGBO
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with