CCPO wa nay kabutangan sa minor offenders
() - March 8, 2009 - 12:00am

CEBU, Philippines - Nagproblema karon ang kapulisan sa dakbayan sa Sugbu kun asa nila ipamutang ang mga dinakpang mga minor ug mga rugby boys kini human mapuno ang ilang holding cell ug walay modawat nga institusyon kanila dinhi.

Si Sr. Supt. Patrocinio Comendador nagkanayon nga ning bag-uhay lang ang Police Station 2(Fuente Police Station) nakadakop og trese ka minor de edad nga naghingos og rugby niadtong milabay’ng adlaw.

Matud pa ni Comendador nga sa pagkakaron ang “Children’s Haven” diha sa CCPO napuno na ug kun manakop pa sila og laing magpabadlong nga mga minors wala na silay kabutangan niini.

Dugang pa niini nga wala nay modawat nga drop-in centers tungod kay sila usab puno na, kini sama sa Pari-an Drop-in Center, Operation Second Chance, Community Scout ug Balay Pasilungan.

Nunot niini makig-alayon na siya karon sa mga lokal nga opisyal sa dakbayan sa Sugbu, mga opisyal sa barangay, ug mga social workers kini aron sabutan nga kadtong mga minor de edad nga madakpan anha ipabutang sa mga barangay hall alang na usab sa pag-claim sa mga ginikanan niini.

Gihulagway niini nga ang mga ginikanan nga magpabaya sa ilang katungdanan ngadto sa ilang mga anak angayang mapasakaan og kaso.

Si Darwin Lumacao, social worker sa Pari-an Drop-in Center mitug-an sa Banat News nga gidili na ang pagdawat og mga rugby boys diha sa ilang center tungod kay kaniadto kanunay silang eskapohan og mga susama niini.

Si Tony Auditor, tagdumala sa Balay Pasilungan dihang gihinabi sa Banat News nagkanayon nga wala sila duola sa CCPO bahin sa 13 ka dinakpang bata, apan kini mipasidaan nga di nila basta dawaton ang mga rugby boys samtang mag-agad usab sila sa pakisusi una sila manawat sa usa ka batang dad-on diha sa ilang center.

Samtang si Cebu City Councilor Rodrigo Abellanosa, tsirman sa committee on social welfare sa Konseho miangkong dako gyud og problema ang balaod nga gisuwat ni Senador Francis Pangilinan nga mao ang Juvenile Justice Act, kini tumong unta ang pagpanalipod sa mga minor nga masalbar sa kriminalidad.

Apan sumala pa sa kapolisan giabusar kini karon sa mga batan-ong kriminal tungod kay di sila makasuhan basta ubos sa 15 anyos ang ilang edad.  - Guam Logroño uban sa report ni Lesley Caminade (BANAT NEWS)

BALAY PASILUNGAN BANAT NEWS COMMUNITY SCOUT FUENTE POLICE STATION GUAM LOGRO JUVENILE JUSTICE ACT LESLEY CAMINADE
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with