"Supernova" Sarah

CEBU, Philippines - Subli’ng gipalig-on ni Sarah Geronimo ang iyang titulo isip bag-ong Box Office Queen sa paspas nga dagan sa kwarta sa “takilya” sa iyang current team-up uban si John Jloyd Cruz sa “You Changed My Life”.

Ang manipestayon niini mao ang gipakita nga report sa Viva Films nga nagpamatuod nga blockbuster gyud ang maong pelikula.

Sa Metro Manila, mikabat og P9 million na ang maong pelikula sa unang adlaw, pagdungag sa kita sa Vismin mikabat og dul-an P18M. Gibana-bana’ng muabot og P240M ang kita niini sulod sa duha ka semana, sanglit mikita man kini og P400,000 sa usa lamang ka sinehan.

Tataw na gyud ang pagsulbong og maayo sa karera ni Sarah, tungod kay kasagaran sa membro sa E-press miingon man nga ang karisma sa batan-ong superstar daw sila si Nora Aunor, Vilma Santos ug Sharon Cuneta kung ang paghangop sa publiko ang hisgutan. Tungod niini, haom matud pa siya nga tawgon nga “Supernova.”

Sa laing bahin, andam na pud si Sarah sa iyang 14 City Tour nga lakip ang pito ka mga entertainment centers sa U.S.A. Mahinumduman nga si Sarah produkto og national champion sa talent search diin si Regine Velazquez ang host, ug kasamtangan karo’ng gi-manage ni Vic Del Rosario.

Nasayran sa PangMasa duna pay follow-up project sila si Loydie ug Sarah, pero sunod tuig na pud kini isip Valentine offering