Talisay mepitisyon kang Ong

CEBU, Philippines - Giisip sa taga Talisay City nga napiangan sila dihang nawagtang kanila si Inspector Rolando Ong kinsa maoy nagtukod sa Talisay City Intelligence Bureau (TCIB) busa buot nila kining mahibalik pagdestino diha sa maong dakbayan.

Mao kini ang gibutyag ni Konsehal Osmundo Manreal Jr. presidente sa Association of the Barangay Captains (ABC) sa Talisay, sa Banat News kagahapon kinsa nagkanayon nga dako kaayo og natabang sa dakbayan si Ong sa pagpatunhay sa kalinaw ug kahusay.

Si Ong kinsa nadestino sa Talisay niadtong Disyembre 2007, gibalhin niadtong Disymbre 15, 2008 ngadto sa Cebu Provincial Police Office isip Police Community Relation (PCR). - Brenda D. Batuto (BANAT NEWS)