Pamilya sa tigulang namatay atol sa Dream Match nakadawat

Nakadawat na ang pamilya sa   80 anyos nga lalaki nga namatay samtang ang nagtan-aw sa away ni Manny Pacquiao ug Oscar dela Hoya sa milabay’ng adlaw.

Matud pa ni Sr. Supt. Mariano Natu-el Jr. ang OIC Director sa Lapulapu City Police Office nga atol sa pakighinabi ni Santos Pangatungan Jr. anak sa namatay nga si Santos Pangatungan Sr., 80 anyos nga daan na nga adunay sakit ang iyang amahan gumikan sa katigulangon niini ug sa maong hitabo nakadawat na ang ilang pamilya niini.

Matud pa ni Santos Jr. aron malingaw ang iyang amahan sa away nila ni Pacman ug ni Dela Hoya, iya kining gidala sa Lapulapu Sports Complex bisan pa nga aduna kini bayad sa pulta balor P200 sa ring side ug P100 sa taas nga bahin aron makakita kini sa maong live telecast gikan sa MGM sa Las Vegas.

Sa pagsugod pa lang sa maong away, nagmaya og maayo si Santos Sr. sa gipakita ni Pacman sa pagkulata niini kang dela Hoya, atol sa ikatulong hugna sa ilang sinukliay sa kumo sa duha ka mga protagonista kalit lamang nahagba si Santos Sr. ug naglisod kini og ginhawa hinungdan nga mitawag kini sa mga sakop sa Eruf.

Sa pagdala niini ngadto sa Mactan Doctors Hospital gideklarar kini nga dead on arrival (DOA).

Sa pagbisita sa Banat News sa panimalay sa mga Pangatungan kagahapon sa buntag usa sa apo niini (dili magpaila) ang wala mokomentaryo ug mangayo bisan unsa gikan kang Manny Pacquiao diin pormal mipadayag nga ila nang nadawat ang maong hitabo ug mihangyo usab kini sa ilang privacy sa maong insidente.