Koleksyon sa buwak misaka

CEBU - Misaka karong tuiga ang koleksyon sa Operation Bulak nga gipatuman sa Cebu City Market Authority didto sa barangay Busay atol sa Kalag-kalag.

Kini maoy gipahibawo ni City Market Administrator Racquel Arce kinsa miingon nga sugod niadtong Oktobre 28 hangtud sa Nobiyembre 1, mikita sila og P114,533.25.

Matud ni Arce nga kini mas taas itandi sa miaging tuig nga mikita lang sila og P110,831.09.

Ang pagpahigayon og checkpoint diha sa nahisgutang barangay nagsugod niadtong tuig 2004 diin ang siyudad nakakolekta lang og kapin P6 mil.

Kini misaka ngadto na sa kapin P83 mil niadtong tuig 2005 ug miabot usab sa P89,822.80 niadtong tuig 2006.

Ang paggamit sa mga sakop sa City Traffic Operations and Management (Citom) sa ilang operasyon maoy gitumbok ni Arce nga dako og nakatampo usab ug natabang kanila.

Ang paghatag usab og libreng pagkaon ngadto sa mga sakop sa market sa ilang koleksyon.

Ang nakolekta sa Operasyon Bulak madugang unya sa pagkab-ot sa target collection sa siyudad niining tuiga nga mokabat sa P2.631 bilyones. – BANAT NEWS