2 pang Pinoy boxers aasinta ng world boxing title

Atubangon sa mga sakop sa Comelec sa dakbayan sa Lapulapu ang kaso unya nga ipasaka ni acting mayor Norma Patalinghug may kalambigitan sa nadiskubrehan nga mga Comelec seals nga gipanglabay.

Matud pa ni Benjie Dayongon ang assistant election officer sa dakbayan sa Lapulapu nga wala sila mabalaka niini ug andam nga atubangon ang bisan unsang kaso batok kanila.

Giklaro niini nga wala silay gitagoan nga anomaliya diha sa ilang buhatan ug kadtong mga Comelec seals nga nakit-an pulos lamang kini mga sobra ug wala na magamit.

Iyang gipasabot nga aksidente lang usab kadto nga nabutang sa cartoon nga aduna nay bahong basura ug naapil sa paglabay apan bisan paman niini wala na usab kadtoy gamit pa gumikan kay sobra sab kini.

Sumala pa niini nga tinuod nga adunay mga pirma ang ubang mga Comelec seals nga nalabay apan ang maong mga dokumento gipirmahan nalang daan sa ilang mga board of election inspector sa wala pa magsugod ang election kini tungod kay dili sila gusto nga malangay pa unya sa ilang trabaho gumikan usab sa ka busy.

Dugang pa niini nga gani karong mga panahuna aduna pa silay 25 ka mga Comelec seals ang anaa pa sa ilang buhatan nga wala magamit ug  gitakda nang ilabay.