Simbahan nanginlabot na's lamppost over pricing

Nanginlabot na ang Simbahang Katoliko sa isyu sa "overpriced lampposts" sa Metro Cebu nga gipahimutang atol sa niaging ika-12 nga Southeast Asian Nations Summit.

Ang Dilaab Movement sa Barug Pilipino sa Sugbu ang ninglusad og kampanya batok sa kurakot nga nahitabo pinaagi sa pagpamalit sa dul-an sa 2,000 ka mga decorative lampposts.

Si Fr. Carmelo Diola, Dilaab overall coordinating steward, sa iyang suwat nanawagan sa publiko ug mga nagkalainlaing pundok sa pagsuporta sa ilang kampanya.

"We must hold government accountable. As stewards of the people’s money, they are answerable to us – vigilant citizens of Cebu," nagkanayunn si Diola.

Hinoon nagtoo pa si Diola nga mas daghan pa ang mga tawong matinud-anon sa nasud apan ang nakasubo mao nga nagpakahilum nalang usab ang maong mga tawo.

"We need to raise one collective voice, a VOICE that expresses disgust over CORRUPTION, a VOICE that says WE ARE WATCHING YOU!," sumala pa ni Diola.

Matud pa ni Diola nga makauuwaw kaayo ang nahitabo human sa mapasegarbuhon nga pagdumala sa malampusong ASEAN Summit niadtong Enero.

Gitumbok ni Diola nga makaalarma usab ang giingong pagpaburot sa presyo sa mga lampposts.

Ang P33,000 matag usa nahimo kining P83,000 sa dakbayan sa Sugbu; P224,000 sa dakbayan sa Mandaue ug P325,916 sa dakbayan sa Lapu-Lapu.

"Payment for these items comes from the hard-earned money of tax-paying ordinary workers, consumers and businesses," dugang pa ni Diola.