Lending firm sa Gorordo gitulis; 2 ka tulisan nailhan

Gisubhan og insidente sa pagpanulis ang bag-ong hepe sa Cebu City Police Office nga si Sr. Supt. Patrosenio Comendador nga mihulip kang Supt. Melvin Gayotin wala pay usa ka oras kagahapon sa hapon.

Ang gitulis mao ang Yusay Credit and Finance Corporation nga gidumala ni Arthur Apor diha sa Gorordo Avenue sa barangay Camputhaw ning dakbayan diin dili molapas sa P50 mil ang nadagit sa duha ka mga suspek.

Hinuon dihang gipakitaan sa rogue gallery sa Theft and Robbery Section kagahapon matud pang Supt. Pablo Labra, gitumbok sa lima ka mga kawani ug gwardiya sila si Doroteo Imperial ug Ronillo Nuñez nga pulos taga Ozamiz City.

Si Imperial nadakpan na kaniadto sa Talisay City police human kini manulis ug gitumbok usab sa mga kawani sa usa ka lending firm sa V. Rama Avenue nga mitulis kanila niadtong tuig 2006.

Ang duha gikatahong parehong armado og kalibre 45 nga pistol, diin si Imperial maoy unang misulod ug nag-inquire kung unsaon pag-loan. Kalit lang nga misulod ang usa dayong tion og armas sa gwardiyang si Wilfredo Punay, 39, nga sakop sa Blue Eyes Security and Investigative Agency.

Si Perlito Siapoc, ang credit investigator appraiser maoy gikatahong miatubang sa usa sa mga suspek nga nagdala og backpack diha sa atubangan ug napuyos niini nga daw dunay armas.

Matud pang Siapoc sa Banat News nga wala dayon siya mopatuo dihang gitiunan siya og armas sa maong tawo nga mideklarar og tulis tungod sa pagtuong plastik ra kini, apan dihang gikasa sa suspek ang armas diha na siya nahadlok ug mihupo.

Lakip sa gikuha sa duha ang upat ka cellphone sa mga kawani.

Matud pang Labra nga nianang sayo pa sa buntag nisulod si Nuñez diha sa maong buhatan kay nagpa-xerox kini og dokumento.

"Kini daw si Nuñez niari na diri sa buntag kay nagpa-xerox kuno, murag nag-surveillance na to siya," asoy pang Labra.

Atol sa pag-ikyas misuway pa og gukod si Siapoc sakay sa iyang motorsiklo apan wala siya makahibalo kung unsay deskripsyon sa motor ug diin ang tukmang direksyon hinungdan nga milahos na lang siya ngadto sa Cebu City Police Office.

Nasuta nga diha padulong subay sa Escario street ang maong motorsiklo.

Si Insp. Michael Anthony Bastes sa TRS mitug-an nga nasikop nila kagabii si Nuñez sa Danao City.

Gisubhan og insidente sa pagpanulis ang bag-ong hepe sa Cebu City Police Office nga si Sr. Supt. Patrosenio Comendador nga mihulip kang Supt. Melvin Gayotin wala pay usa ka oras kagahapon sa hapon.

Ang gitulis mao ang Yusay Credit and Finance Corporation nga gidumala ni Arthur Apor diha sa Gorordo Avenue sa barangay Camputhaw ning dakbayan diin dili molapas sa P50 mil ang nadagit sa duha ka mga suspek.

Hinuon dihang gipakitaan sa rogue gallery sa Theft and Robbery Section kagahapon matud pang Supt. Pablo Labra, gitumbok sa lima ka mga kawani ug gwardiya sila si Doroteo Imperial ug Ronillo Nuñez nga pulos taga Ozamiz City.

Si Imperial nadakpan na kaniadto sa Talisay City police human kini manulis ug gitumbok usab sa mga kawani sa usa ka lending firm sa V. Rama Avenue nga mitulis kanila niadtong tuig 2006.

Ang duha gikatahong parehong armado og kalibre 45 nga pistol, diin si Imperial maoy unang misulod ug nag-inquire kung unsaon pag-loan. Kalit lang nga misulod ang usa dayong tion og armas sa gwardiyang si Wilfredo Punay, 39, nga sakop sa Blue Eyes Security and Investigative Agency.

Si Perlito Siapoc, ang credit investigator appraiser maoy gikatahong miatubang sa usa sa mga suspek nga nagdala og backpack diha sa atubangan ug napuyos niini nga daw dunay armas.

Matud pang Siapoc sa Banat News nga wala dayon siya mopatuo dihang gitiunan siya og armas sa maong tawo nga mideklarar og tulis tungod sa pagtuong plastik ra kini, apan dihang gikasa sa suspek ang armas diha na siya nahadlok ug mihupo.

Lakip sa gikuha sa duha ang upat ka cellphone sa mga kawani.

Matud pang Labra nga nianang sayo pa sa buntag nisulod si Nuñez diha sa maong buhatan kay nagpa-xerox kini og dokumento.

"Kini daw si Nuñez niari na diri sa buntag kay nagpa-xerox kuno, murag nag-surveillance na to siya," asoy pang Labra.

Atol sa pag-ikyas misuway pa og gukod si Siapoc sakay sa iyang motorsiklo apan wala siya makahibalo kung unsay deskripsyon sa motor ug diin ang tukmang direksyon hinungdan nga milahos na lang siya ngadto sa Cebu City Police Office.

Nasuta nga diha padulong subay sa Escario street ang maong motorsiklo.

Si Insp. Michael Anthony Bastes sa TRS mitug-an nga nasikop nila kagabii si Nuñez sa Danao City.