Tiyo sa policewoman naghikot og pisi

Uyoan sa polis nga babaye sa dakbayan sa Danao naghikog patay sa miaging adlaw.

Si PO1 Edna Almerez sa kapolisan sa dakbayan sa Danao ang nitaho alas 8:30 sa buntag sa niaging adlaw ngadto sa ilang buhatan labot sa paghikog sa iyang uyoan.

Si SPO1 Alan Muñoz ang miresponde sa taho sa iyang kaubanan ug nasuta nga alas 5 pasado sa buntag sa maong adlaw napalgan nga wala nay kinabuhi ang uyoan ni Almerez nga si Hipolito Remo, 49 anyos, minyo ug usa ka mag-uuma nga taga Bonifacio extension, Poblacion, dakbayan sa Danao.

Si Remo naghigot og pisi sa iyang liog ug gihigot ang pikas tumoy niini sa punoan sa manga nga nahimutang duol ra sa ilang panimaye.

Gibutyag sa pag-umangkon nga dunay nervous breakdown nga giantus ang iyang uyoan ug gituohan nga maoy hinungdan sa paghikog.

Gipaubos sa autopsy ang patay'ng lawas ni Remo aron pagsuta kon wala ba'y foul play ang iyang kamatayon.