^

Banat Balita

Nanglayog og polis napusilan hinuon sa bitiis

- Edwin Ian Melecio -
Napusilan sa bitiis ang usa ka lalaking giingong milayog ug misuway sa pagpusil sa sakop sa Criminal Investigation and Intelligence Branch sa Cebu City Police Office diha sa eskina sa mga dalan Climaco ug Dimasalang barangay Pahina Central kagahapon sa kaadlawon.

Ang napusilan giilang si Rolando Tolentino, 42, minyo taga Barangay Manlabay lungsod sa Dumanjug ug kasamtangang nagpuyo sa Wireless dakbayan sa Mandaue.

Sumala pa sa imbestigasyon sa Homicide Section nagpatrolya ang grupo ni SPO1 Filomino Mendaros luwan sa ilang sakyanan diha sa maong lugar dihang nasigpatan ang upat ka mga lalaking kadudahan ang lihok.

Giduol sa upat ka polis ang grupo apan gikatahong nalumba kinig panagan hinungdan sa ginukdanany apan si Tolentino nga maoy gigukod ni Mendaros nakorner sa gikahitaboan apan giingong mibunot kini og armas de fuego diha sa hawak niini.

Si Mendaros dali usab nga miilog sa armas apan gikatahong gilayog kini sa suspek kinsa mas dakog lawas sa kaniya hangtud nga sila natumba ug nakabarog si Tolentino ug gikatahong mition dayon sa iyang armas sa polis.

Hinuon nianang higayuna nakabunot na si Mendaros sa iyang armas ug napusilan sa walang bitiis, nianang tungura nangabot ang mga kauban ni Mendaros ug gidala sa tambalanan si Tolentino.

Usa ka kalibre 38 rebolber ang giingong nakuha sa kapolisan gikan sa suspek.

Samtang sa laing bahin usa ka Rondel Gonzaga,15, taga Sta. Teresita Village Barangay Labangon ang naigo sa saag nga bala sa iyang sampot diha sa dalan Archbishop Reyes Barangay Luz dihang tulo ka wala mailhing mga batan-ong luwan sa motorsiklo ang mipaarak og pusil sa grupo usab sa mga batan-ong nag-istambay sa maong dapit, ang biktima kasamtangang naglakaw duol sa target sa mga suspek.

ARCHBISHOP REYES BARANGAY LUZ

BARANGAY MANLABAY

CEBU CITY POLICE OFFICE

CRIMINAL INVESTIGATION AND INTELLIGENCE BRANCH

FILOMINO MENDAROS

HOMICIDE SECTION

MENDAROS

PAHINA CENTRAL

ROLANDO TOLENTINO

TOLENTINO

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with