14 Army, 2 pulis pinarangalan
CAMP NAKAR, Lucena City, Philippines — Pinagkalooban ng plake ng pagkilala at P50, 000 cash ang bawa’t isa sa 14 na sundalo at 2 pulis-Quezon dahil sa ginawang kabayanihan kasama ng iba pang mga sundalo upang maging malaya ang Marawi City sa kamay ng teroristang Maute-ISIS.
Pinangunahan ni Quezon Governor David Suarez, kasama sina P/Chief Supt. Mao Aplasca, police regional director; Ferdinand Ravina, Solcom acting commander; at Quezon PNP Director P/Senior Supt. Roderick Armamento, Quezon police director, ang pagkakaloob ng parangal kina Lt. Ronilo Vender, Sgt. Ernie Vender, Cpl’s Reynaldo Adoc, Jemson Funtillar, Elvin Manzano, Leodimar Miras, Armando Moneda, Jordan Osillo, Homar Potencia, l, PCC Rommel Vivel, Pfc’s Christian Bolor, Michael Legion, mga sundalo ng Philippine Army; Cpl. Winston Enverga at Private Rodrigo Dignos Jr., SPO4 Trevor Torrano, at si PO1 King Robert Gendrano.
Ang pagpaparangal sa mga nabanggit na sundalo at pulis ay isinagawa kamakalawa kasabay ng graduation ng 192 drug surrenderer na nakapasa sa anim na buwang rehabilitation at training.
Ipinagkaloob din ni Governor Suarez sa Quezon PNP ang bagong SWAT mobile van, 3 bagong 1300 motorcycle, M14 Armalite rifles at mga bullet proof vest.
- Latest
