Ginang dinedo ng mister

TUGUEGARAO CITY, Cagayan, Philippines – Napaslang ang 40-anyos na misis matapos itong saksakin ng kanyang mister na matansero sa naganap na karahasan sa Barangay Nuesa, bayan ng Roxas, Isabela kamakalawa. ?Sa police report na nakarating kay Acting Chief of P/Chief Insp. Amy Dela Cruz, acting chief of police, nag-ugat ang pagtatalo sa usapin ng kustodiya sa 7-anyos nilang anak ang mag-asawang Almeran­te Flores at Alicia Flores. Lumalabas sa imbestigasyon na tumangging ibigay ng misis sa kanyang mister ang kanilang anak na  nauwi sa matinding pagtatalo.Tinangkang lumayo ng biktima subalit hinabol siya ng suspek at nang makorner ay pinagsasaksak hanggang sa mapatay kung saan tugis na ng pulisya ang mister.