Pinakabatang program developer
Grabe na ‘to! Ang ngayong sampung taong gulang na si Zora Ball ang naging pinakabatang program developer noong 2013. Gumawa siya ng full version na laro para sa mga cell phone noong pitong taong gulang lang siya.
Isa siyang estudyante noon ng Harambee Institute of Science and Technology Charter School sa West Philadelphia. Ginawa niya ang laro sa afterschool program na nagpo-focus sa STEM education. Tinuruan lang siya ng kanyang guro ng simplified na paraan para mag-code at ginawa niya ang kanyang bagong kaalaman para magawa ang kanyang kauna-unahang laro, ang Vampire Diamonds.
Noong una ay ayaw paniwalaan ang talento ni Zora at sinasabing hindi niya umano talaga ito ginawa at nagpatulong lang sa iba. Pero nang maanyayahan siyang gawin ulit ang laro ay walang patumpik-tumpik niya itong nagawa at natameme na lang ang kanyang haters.
- Latest