Human ATM na OFW
Komo nagtatrabaho sa abroad ang Pinoy ay human ATM ang tingin agad sa mga overseas Filipino workers. Akala ng marami madali ang buhay sa ibang bansa dahil sa nakikitang may padalang remittance sa pamilya at pinag-aaral ang anak.
Masarap lang pakinggan na OFW, pero hindi alam ng iba na puwedeng gumanda at maaaring masira rin ang pamilya.
Pero sa malas, maraming utang na binubunong bayaran ang OFW para lang may ipadalang panggastos ang pamilya sa bansa. Hindi rin nakikita ang pagtitiis ng pamilya na ‘di lahat ay sagana dahil may oras pa rin na kumakain ng sardinas at noodle sa panahon na wala pang sahod ang asawa. Kaso ang tingin ng mga kapatid, kamag-anak, at kaibigan ay malaking bangko ang OFW na mataba raw ang bulsa.
Kapag nataon na nanghihingi ng tulong sa OFW na walang pera, ay nagtatampo at sasama ang loob akala ay pinagdadamutan. Hindi alam ng iba na ang pobreng OFW na minsan ay wala ring trabaho kahit nasa Canada pa.
- Latest
