Sekyu itinumba sa gate ng subdivision

TRECE MARTIREZ CITY, Cavite – Isang security guard ang iniulat na nasawi makaraang ratratin ng mga hindi kilalang armadong kalalakihan habang nakaupo sa gate ng La Paz Subdivision sa Brgy. Cabeses sa lungsod na ito kamakalawa ng gabi.

Napatay ang biktimang si Henry Bayaon, 47, may asawa ng naturang lugar, samantala, ang mga killer na naka-bonnet sakay ng isang Toyota Corolla (NMA-657) ay humarurot matapos isagawa ang krimen dakong alas onse ng gabi.

May palagay ang pulisya na hindi pinapasok ng biktima ang sasakyan ng mga suspek kaya pinagbabaril na lamang. (Ulat ni Mading Sarmiento)