Talk ‘n text, GlobalPort mag-ilog sa No. 3 spot
CEBU, Philippines - Wala sila’y makuha nga twice-to-beat, apan ang TNT KaTropa ug GlobalPort Batang Pier laraw gihapon nga mosaka sa top four sa standing aron makapabor sila sa taparay atol unya sa quarterfinals sa PBA Philippine Cup.
Ang TNT ug GlobalPort magsangka karong alas-7 sa gabii human sa duwa tali sa Star Hotshots ug Blackwater Elite nga sugdan sa alas-4:15 sa hapon.
Ang KaTropa ug Batang Pier nagtabla sa ikatulo ngadto sa ikaunom nga dapit sa standing uban ang Alaska Aces ug Rain or Shine Elasto Painters sa ilang 5-4 nga baraha.
Seguraduhon sa TNT nga modaog karon aron dili lisud nga koponan ang ilang sangkaon sa playoffs. Sa ilang bahin, ang GlobalPort nga pakyas pagkandado sa ikaduhang dapit sa standing, gusto nga makabawi.
Usa sa mga kandidato sa “Best Player of the Conference” nga si Terrence Romeo nagpangagot na ug gilauman nga mamawi human igo lang siya mihimo og 16 puntos sa Batang Pier sa duwa nila batok sa San Miguel Beermen niadtong Sabado didto sa Hoopsdome sa Lapu-Lapu City. (BANAT NEWS)
- Latest