Expression of Love

Kagahapon sa hapon samtang naglinya ko paingon muhawok sa imahe ni Sr. Sto. Niño, nasundan nako ang usa ka amahan ug anak babaye nga padulong sab  sa nahimutangan sa Balaang Bata. Ang anak nagbitbit og medical envelope, (X-ray result tingali to), ug medyo magul-anon. Unya iyang papa nagyawyaw kay niresulta na matud pa ang kagahi og ulo sa iyang anak. Sa sinugdanan, nagtuo ko nga gikasab-an niya iyang anak kay pinabundak man gyud iyang sinultihan.

Unya nakadungog ko niingon ang amahan nga “muscle pain ra man na.” Murag nabalaka ang anak sa iyang medical condition kay niingon na man sab ang amahan nga, “ ayaw paghunahuna og dautan. Maayo ka. Maayo lagi ka.”  Unya naghilom na ang anak, hangtud nga nihawok na sila sa Balaang Bata ug nag-ampo.

Pag-abot nako sa Banat newsroom, gibuksan nako akong FB ug maoy nisugat nako kining hulagway nga gi-upload  ni ABS-CBN-Cebu CCM head Jayne Salmeron Abella kabahin niining taxi nga iyang nasakyan. Ang anak matud pa sa driver maoy nagpaskin niini kay limtanon iyang papa, perming dili ma-on ang taxi meter. Apan, pagsakay ni Abella, on na ang metro so wala na lang niya pahinumdumi ang driver.

Makapahimuot palandungon how we differ in expressing our feeling for each other. Katong akong nasundan sa basilica nga amahan, lahi sab to iyaha, pinasuko-suko to nga kind of love. But that was very relatable as well as very normal. Magsuko-suko man gyud to, pero deep inside, dili man gyud ta makapugong maluoy o mubati man gyud ta sa atong minahal. Mao bitaw nang usahay bisag kapila na ta pasakitan sa atong hinigugma, mupasaylo gihapon ta u g ato gihapon silang pabalikon sa atong kinabuhi. Bisa’g giluiban nata, we turn away from the truth, because we are in love.

Katong sa taxi driver, it’s a cute kind of love of a child to a father. It’s an expression of love that makes you smile. Curious ko pilay edad sa anak ug unsay gender. Cute siguro kaayo sila tan-awon ug paminawon sa personal no. But I think dako na ni iyang anak kay okay naman kaayo ang handwriting. Nevertheless, ang ilang expression of love sa usa’g-usa is something to remind us nga small and simple gestures of love count the most.

Kamo, how do you express your love to people dear to you?