Pagi, baga sa baboy gisakmit
CEBU, Philippines — Dul-an sa lima ka kilo nga pagi ug dul-an sab sa duha ka kilo nga baga sa karneng baboy ang nasakmit sa mga sakop sa Department of Veterinary Medicine and Fisheries kagahapon sa buntag sa Carbon Public Market.
Matud ni Dr. Alice Utlang, pangulo sa DVMF, nga gikompiskar nila ang pagi tungod kay gidili ang pagdakop ug pagbaligya niini.
Ang nasakmit sa may El Filibusterismo St, Ermita, Dakbayan sa Sugbo ug ang tag-iya niini makamulta og P1,000 matag kilo.
Samtang ang baga sa baboy nga nasakmit adunay sakit nga pneumonia ug dili na haum nga kan-on sa mga tawo.
Ang mga nasakmit gilubong na human nasuta nga dili na sab kini ikapakaon sa hayop.
Matud ni Utlang nga ang pagpamaligya og mga ilegal sa merkado dili na daghan itandi sa una tungod kay aduna nay inspectors matag adlaw. (BANAT NEWS)
- Latest