Libreng sakay sa LRT-1 ngayon
MANILA, Philippines – Inihayag ng pamunuan ng Light Rail Transit (LRT-1) na magbibigay sila ng libreng sakay sa mga pasahero ngayong Bagong Taon.
Ayon sa abiso ng LRT-1, nais nilang pasimulan ang 2017 sa pamamagitan ng pagkakaloob ng libreng sakay sa mga commuters bilang pam-Bagong Taong handog sa mga parokyano.
Ang libreng sakay ay maaaring ma-avail ng mga parokyano simula alas-7 ng umaga hanggang alas-9 ng umaga at simula alas-5 ng hapon hanggang alas-7 ng gabi.
Muli ring ipinaalala ng LRT-1 na kanilang ipatutupad ang train service schedules mula ngayong araw hanggang bukas (Enero 2, 2017).
Nabatid na ang unang biyahe ng tren mula Baclaran ay aalis ng alas-5 ng umaga habang ang last trip naman ay aalis ng alas-9:30 ng gabi.
Ang first trip naman mula Roosevelt Station ay aalis ng alas-5 ng umaga habang ang huling biyahe ay aalis naman ng alas-9:50 ng gabi.
- Latest
