Sinabi na ng isa sa mga anak ni Mars Ravelo na ang GMA-7 ang nakakuha ng rights ng Dyesebel, kaya matitigil na ang tanungan ng Kapamilya at Kapuso fans kung sino ang gagawa ng remake nito.
Naka-line up ito for next year at nasulat nang ito ang susunod na gagawin ni Marian Rivera after Marimar. Ayaw pang mag-comment ng actress kahit ang manager niyang si Popoy Caritativo. Kapag tinatanong, parehong “Naririnig ko” ang sagot ng dalawa.
Kung kay Marian nga ibibigay ang Dyesebel, hindi na mahihirapan ang Ch. 7 dahil marunong itong lumangoy, hindi takot maarawan, magbabad sa dagat at payag na ang buhok lang niya ang tatakip sa kanyang boobs.
Sa ngayon, sa Marimar muna ang focus ng actress at tuwang-tuwa ito at mga kasama sa telenovela dahil patuloy na sinusubaybayan ng viewers. This Wednesday, magri-report ang imbestigador kay Gustavo (Jestoni Alarcon) na nakita na niya si Marimar (Marian). Kaya lang, si Natalia (Bianca King) ang ipapakilalang anak, pero malapit nang magkakilala ang mag-ama.
* * *
Magandang tanungin uli si Rayver Cruz sa isyung Shaina Magdayao at John Prats ngayong pati si Vina Morales ay umaming dumadalaw ang actor sa kapatid. Sa pictorial ng Bahay Kubo, ayaw nitong maniwala sa tsismis dahil walang sinasabi ang ka-loveteam at gusto’y siya ang makakita. Ano kaya ang comment nito na may indentical rings and watches daw ang dalawa?
Natatandaan naming itinanggi rin ni Rayver na tatalikuran na ang showbiz at mag-aaral na lang sa Amerika dahil broken-hearted kay Shaina. Sabi nito, kahit hindi maging sila, ‘di siya aalis da hil malungkot mag-isa sa States at ‘di niya alam kung bakit may ganu’ng tsismis.
Ang TV remake ng Bagets ang next project ni Rayver sa ABS-CBN. Kahit hindi pa alam ang role, excited na siya’t matagal siyang napahinga. November daw ang start ng kanilang taping.
* * *
Nag-rent na ng apartment sa may T. Morato si Aljur Abrenica para hindi na mahirapan sa almost daily taping ng Zaido. Driver at yaya ang kasama niya sa apartment at dinadalaw na lang siya ng mga magulang.
In-offer nitong maki-share ng apartment si Prince Stefan dahil naaawa siya rito, pero tumanggi ang kaibigan dahil nahihiya. Kumikita na si Aljur sa mga shows niyang Zaido, Boys Nxt Door at SOP, pero kailangan pa rin niya ang financial help ng parents.
Pasalamat si Aljur sa GMA-7 na may primetime show na siya at nag-promise na paghuhusayan ang trabaho para hindi magsisi ang management sa pagsama sa kanya sa show. Hindi raw niya ini-expect na mabibigyan agad siya ng lead role.
* * *
Sasakit ang tiyan at panga ng mga manonood ng Ako Pooh Si K dahil magsasama ng galing sa pagpapatawa sina K Brosas at ang guest niyang si Pooh. Sa Ratsky Morato ang show sa October 20 at ngayon pa lang, mag-ipon na ng pambili ng tiket worth P500 at P350.
Bilib si K sa bilis pumik-ap ni Pooh, magaan din itong ka trabaho at masayahin, kaya walang problema ‘pag sila’y magkasama. Ang galing sa timing at husay kumanta naman ang nagustuhan ni Pooh sa kababayan.
Napapanood si Pooh sa Pangarap Na Bituin at John En Shirley, pero ang dream nito’y magkaroon ng stand-up comedy show sa TV at magkaroon ng channel for comedy only.
For ticket inquiries for Ako Pooh Si K, call Backroom at 4351098, 4351108, 4351120. Proceeds is for the benefit of the Saint Joseph School Pandacan batch ’79 and ’83.