MANILA, Philippines - Gumawa sina Rico Soliman at Allen Guilas ng 19 at 18 puntos para sa Assumption-Pampanga tungo sa 108-84 pagdurog sa Olongapo City National sa Division II sa pagbubukas kahapon ng 2014 Seaoil NBTC League National High School Finals sa CCF Gym.
May 20 puntos si Bernardino Tandayu para sa Olongapo sa torneo na siyang opisyal na grassroots development program ng Samahang Basketbol ng Pilipinas na suportado ng MVP Sports Foundation, Meralco, Smart, NLEX, Maynilad, Philex, Philippine Star at Molden.
Magpapatuloy ang akÂsyon ngayon sa 19 na laro sa tatlong magkakaÂibang palaruan.
Sa Ynares Sports Arena gagawin ang aksyon sa Division I na kakikitaan ng tagisan ng National University-A at St. Francis of Assisi-Cavite sa ganap na alas-8 ng umaga.; SouÂthern City College-Zamboanga at Sacred Heart of Jesus Montessori-Cagayan de Oro dakong alas- 9:30 at University of San Carlos kontra Iloilo Central Commercial dakong alas-11.
Ang pang-hapon na laro ay sa pagitan ng St. Francis at Sacred Heart-Ateneo of Cebu sa ganap na ika-12:30 ng hapon na susundan ng bakbakan ng Sacred Heart-CdO at Assumption-Davao; West Negros at San Carlos; at Assumption at Southern City.
Ang mga laro sa Treston gym ay magsisimula sa alas-8:30 ng umaga sa pagitan ng San Benildo at Trinity University of Asia na susundan ng National U-B at Chiang Kai Shek College; Jubilee Christian Academy at San Benildo; National U-B at Hope Christian; at Trinity at Jubilee
Ang mangungunang dalawang koponan bawat grupo matapos ang single round elims ang aabante sa crossover quarterfinals.
Ang apat na natitira ang magtutuos sa semis para madetermina ang daÂlawang koponan na magÂlalaban sa Finals.