Laro Ngayon
The Arena- San Juan City
2 p.m. - UST vs La Salle-Dasma
4 p.m. - NU vs Adamson
MANILA, Philippines - Maghaharap ang Adamson at National University ngayon sa importanteng Group B match-up habang sisikapin ng University of Santo Tomas na maka-bawi sa pagkatalo noong opening day sa pagharap sa La Salle-Dasmariñas sa pagpapatuloy ng Shakey’s V-League Season 10 First Conference sa The Arena sa San Juan City.
Tinalo ng Lady Falcons at Bulldogs ang kanilang mga kalaban noong opening day noong nakaraang linggo kaya ang kanilang alas-4:00 ng hapong sagupaan ay labanan para sa solo lead sa kanilang grupo sa two-group tournament na sponsored ng Shakey’s.
Kung inaasahang ang two-time champion na Adamson ay sasandal uli sa kanilang cham-pionship experience tulad sa kanilang panalo kontra sa University of San Carlos-Cebu, 25-13, 25-22, 25-21, inaasahan namang ipapakita uli ng NU ang kanilang impresibong laro sa pangunguna ng magkapatid at middle hitters na sina Aleona at Jaja Santiago.
Ang Lady Bulldogs ay nakabangon mula sa se-cond-set meltdown upang igupo ang Arellano Lady Chiefs, 25-21, 25-19, 23-25, 25-20.
Samantala, mayroong primer sa Shakey’s V-League na ipapalabas ngayong alas-9:00 ng umaga sa GMA News TV station Channel 11, ayon sa nag-organisang Sports Vision.
Ang regular telecasts ng Shakey’s V-Leaguy ay mula ala-una ng hapon at may live streaming din sa www.v-league.ph.