Dugay nang gisalida ang pelikula ni Lovi Poe ug Jake Cuenca, katong "My Neighbor's Wife" pero padayon gihapon silang gi-tsismis. Tinuod kaha nga duna gihapon silay communication? Well, niangkon ang sexy actress nga padayon gihapon ang ilang communication pero diri ra kutob. Dug-ol sad kuno ang ilang condo nga gipuy-an pero dili tinuod nga iyang gisundan ang ABS-CBN actor nga ex-bf ni Melissa Ricks.
Lisod sabton ang lovelife karon ni Lovi kay kung ibase sa interview kang Chavit Singson, amahan sa ex-bf (?) niyang si Ronald Singson, makahatag ta og conclusion nga sila pa gihapon. Nibisita pa kuno si Lovi ni Ronald sa Hong Kong atong November para sa birthday ini. Karong nakagawas na sa HK jail si Ronald, moangkon kaha ang aktres nga sila pa gihapon?