44 labi ng OFWs mula Saudi darating na
MANILA, Philippines — Darating na sa bansa ang 44 mga labi ng OFWs sa Saudi Arabia kabilang ang 19 na nasawi dahil sa COVID-19.
Ito ang tiniyak kahapon ni Labor Secretary Silvestre Bello III makaraang palawigin pa ng Saudi Arabia ang palugit na Hulyo 4 para maiuwi ng pamahalaan ng Pilipinas ang mga bangkay na nabigong matupad ng DOLE dahil sa aayusin pang mga dokumento.
Sabi ni Bello, lahat ng 274 mga bangkay ay maiuuwi lahat hindi man sa isang bugso ngunit sa ibang mga petsa.
Sa Lunes, 44 bangkay pa umano ang kasunod na maibabalik sa Pilipinas. Kaagad dadalhin ang mga labi sa crematorium bilang pagtugon sa ‘safety protocols’ ng pamahalaan na pinaiiral ngayong panahon ng pandemya.
Sinabi rin ni Bello na ibibigay ang naaakmang mga benepisyo sa mga naulilang pamilya ng mga OFW sa ilalim ng batas.
- Latest
