Dioscora (31)

Kinabukasan, habang nililinis ang aircon ng kotse, si Mam Dioscora ang iniisip ni JC. Sana dumating ngayon si Mam Dioscora para mapasalamatan ko. Nakakahiya naman sa kanya.

Nang lumapit si Mulo sa kanya at iniabot ang bagong filter na ipapalit sa inaayos na kotse, tinanong uli niya ito kung ano ang sinabi kahapon.

“Wala ba talagang sinabi si Mam Dioscora nang dumaan kahapon?’’

“Wala, JC. Basta tinanong ka lang.’’

“Hindi na kasi bumalik. Akala ko babalik ng hapon. Hinihintay ko e.’’

“Ah,’’ sabi ni Mulo at naitanong nito, “manedyer kaya siya ng kompanya, JC?’’

“Ba’t mo naman naitanong?’’

“Baka puwede akong mag-aplay na janitor.’’

Napangiti lang si JC sa sinabi ni Mulo. Ipinag­patuloy niya ang paglilinis ng aircon.

(Itutuloy)