Dioscora (30)

(Ang babaing hindi niya malilimutan)

“Anong sabi ni Mam Dioscora, Mulo?’’ tanong ni JC na halatang nanghihinayang at hindi sila nag-abot ni Mam Dios­cora. Natrapik kasi siya.

“Wala namang si­nabi. Basta dumaan diyan at hinanap ka. Hindi na nga bumaba ng kotse kaya ako na lang ang lumapit.’’

“Anong sabi?’’

“Tinanong ka lang. Sabi ko hindi ka pa dumarating.’’

“Wala nang iba pang sinabi?’’

“Wala. Nagpaalam na lang siya.’’

“Sayang!’’

“Bakit sayang?’’

“Kasi magpapasalamat ako sa ginawa niyang tulong noong nakaburol si Tatay.’’

“Ah. Nagpadala siya ng bulaklak ano?’’

“Oo at saka pera.’’

“Ang bait talaga ni Mam ano JC?’’

Tumango si JC.

“Baka naman babalik siya JC. Abangan natin.’’

“Sana. Kakahiya naman na hindi ako magpasalamat.’’

“Ba’t hindi mo tawagan?’’

“Tinatawagan ko pero hindi makontak.’’

“Ah.’’

Lumipas ang maghapon pero hindi na bumalik si Mam Dioscora.

(Itutuloy)