Kaibigan (4)
Kinabukasan, nagulat si Dex nang maabutang naglilinis sa kusina si Lara at si King naman ay sa salas nagwawalis.
“O ang aga naman ng pagtatrabahong ‘yan. Mag-almusal muna tayo,’’ sabi ni Dex sa mag-asawa.
“Dito man lang ay makabawi ka sa amin, Dex.’’
‘‘Nakakaisang gabi pa lang kayo e akala mo naman taon na kayong narito.’’
‘‘Basta tutulungan ka namin.’’
‘‘Sige magluluto muna ako ng agahan natin. Puwede na ba sa inyong mag-asawa ang fried rice, corned beef at pritong itlog?’’
‘‘Oo naman. Teka at tutulungan ka namin ni Lara sa paghahanda.’’
‘‘Ako na lang, King. Yakang-yaka ito!’’
‘‘Sige bahala ka. Itutuloy ko itong pagwawalis sa salas. Saan ba ang lalagyan mo ng basura?’’
“Nasa kabila ng pinto.’’
Itinuloy ni King ang pagwawalis at si Dex ay hinarap ang pagluluto ng agahan. Si Lara ay patuloy sa pagpupunas ng sahig sa kusina.
‘‘Magpahinga ka naman Lara,’’ sabi ni Dex habang niluluto ang cormed beef.
Ngumiti lamang si Lara at itinuloy ang pagpupunas ng sahig.
Ipinagpatuloy ni Dex ang pagluluto. Nang maluto ang corned beef, ang itlog naman ang pinirito niya. At saka isinangag ang kanin. Nagpakulo siya ng tubig para sa kape.
Maya-maya ready na ang almusal. Naghain na siya. Tinawag ang dalawa. Sabay-sabay silang kumain.
Pagkatapos kumain, naligo si Dex. Papasok siya sa trabaho.
Naligo rin si King at nagbihis.
‘‘Maghahanap ako ng trabaho, Dex.’’
“Sige, halika. Sabay na tayo hanggang sakayan.’’ (Itutuloy)
- Latest