Alupihan (8)
Kinabukasan, isa na namang babaing magbi-bedspace ang dumating. Nagbabasa si Cris ng diyaryo nang may kumatok sa gate. Agad lumabas si Cris.
“Good morning Kuya. Puwede po bang mag-bedspace?’’ Sabi ng babaing maikli ang buhok na parang may pagka-tomboy ang dating pero maganda.
“Oo. Halika rito sa loob.’’
Binuksan ni Cris ang gate.
Pumasok ang babae. Isinara ni Cris ang gate.
“Halika sa opis ko.’’
Sumunod ang babae.
Binuksan ni Cris ang screen door. Pumasok siya at sumunod ang babae.
“Maupo ka.’’
Naupo ang babae.
“Ako nga po pala si Gretchen. Fitness instructress po. Kailangan ko lang po ng matitirahan ura-urada dahil bago po ang aming branch na malapit dito. Sana po ma-accommodate ako.’’
“Sure. Puwede mong tingnan. May tatlo pang room na available.’’
“Ay sige Kuya. Titingnan ko.’’
“Halika sa itaas.’’
Umakyat sila.
“Ang linis ng hagdan mo Kuya,” puri ni Gretchen. “Ang sipag ng maid mo siguro.’’
“Wala akong maid. Ako lang ang naglalampaso ng hagdan at sahig.’’
“Wow! Ang sipag mo Kuya.’’
Nakarating sila sa itaas. Ipinakita ni Cris ang mga bakanteng kuwarto.
“Wow cute ang kuwartong ito. Okey na ito sa akin, Kuya.’’
“Ikaw ang bahala.’’
“Magbabayad na po ako at lilipat na mamayang hapon, puwede?’’
“Puwedeng-puwede Gretchen.’’
(Itutuloy)
- Latest
