Ahas sa garden (373)
MATINDI ang sikat ng araw nang dumating sina Alexis at Nicole sa farm. Pero dahil pawang mga punong namumunga ang nakatanim sa magkabilang gilid ng kalsada, malamig ang paligid. Masarap din ang simoy ng hangin sa lugar.
“Ako na ang nagpagawa ng kalsadang ito patungo sa kamalig na nagsisilbing bahay ko na rin. Pinataniman ko ng mangga at mga lansones ang magkabilang gilid para may lilim.’’
“Malayo pa po ba rito ang kamalig Mang Alexis?’’
“Malapit na! Ayun yung malaking kamalig na berde ang kulay. Doon ako nakatira. Yun din ang opisina ko.’’
Nadaanan nila ang mga kababaihang namimitas ng mga gulay --- talong, sitaw, repolyo, letsugas, kamatis, monggo at iba pa.
Napansin ni Nicole na mukhang masasaya ang mga kababaihan habang namimitas. Kuntentong-kuntento na sila sa buhay na para bang walang problema. (Itutuloy)
- Latest
