Ahas sa Garden (341)
ANG nangyari kay Brenda ay hindi rin agad nawaglit sa isipan ni Alexis. Kahit paano, nagkaroon sila ng ugnayan ni Brenda at nilason pa nga nito ang isipan niya. Kung patuloy siyang nakinig sa pang-uudyok ni Brenda noon, baka kasama rin siya ni Brenda ngayon sa hukay.
Nasadlak pala sa masamang gawain si Brenda, base sa pagkukuwento sa kanya ng PDEA agent na nakapatay dito. Matagal na palang nasa drug-list si Brenda at ang kasama nitong nagngangalang George. Noon pa ay sinu-sinurveilance na ito pero madulas kaya hindi mahuli.
Si Brenda rin ang pumatay sa isang casino financier na ang bangkay ay itinapon sa isang ilog sa Indang, Cavite.
Nalulong din ito sa casino, ayon sa PDEA agent. Araw-araw na naglalaro sa casino at madalas matalo. Ang pagkaubos ng pera ang naging daan para luminya ito sa droga kasama si George.
Ganun na lamang ang pasalamat ni Alexis sapagkat niligtas siya ng Diyos. Inilayo siya kay Brenda kaya tamang landas ang napuntahan niya. (Itutuloy)
- Latest
