Ahas sa Garden(188)
MINSAN, tinanong ni Brenda si Nath ukol kay Alexis.
“Babe, sa palagay mo nasaan na ang ahas na si Alexis?’’
“Bakit mo naitanong?’’
“Kasi parang wala ka nang balak hanapin ang ahas.”
“Hindi. Hahanapin ko siya. Palagay ko nasa probinsiya siya. Alam ko ang probinsiya nila dahil kilala ko ang tatay ng ahas na iyon. Walang utang na loob ang Alexis na ‘yun. Nagmakaawa sa akin ang tatay niya na ipasok ko ng trabaho. Dahil alam kong mabait ang tatay niya, tinanggap ko rito. Kasi, ang akala ko kapag mabait ang ama, mabait din ang anak. Hindi pala! Ahas pala ang anak!’’ Napahalakhak si Brenda.
“Ahas na makamandag ang Alexis na ‘yun! Mabuti at hindi siya nagtagumpay na gahasain ako!’’
“Hahanapin ko siya Babe! Hindi ko nalilimutan ang ginawa niya sa’yo.’’
Biglang lumungkot ang mukha ni Brenda.
“Baka ikaw naman ang mapahamak kapag hinanap ang ahas na ‘yun. Mabuti pa, huwag mo nang gantihan. Tutal naman at hindi niya naituloy ang masamang balak sa akin. Huwag mo nang ituloy ang paghihiganti. Kasi baka armado siya kapag pinuntahan mo ay ikaw pa ang mapatay. Mas lalong masama ang mangyayari. Ayaw kong may mangyari sa’yo Babe. Hayaan mo na ang ahas na ‘yun. Diyos na ang bahala sa kanya.’’
Nag-isip si Nath. Bakit kaya biglang lumambot si Brenda.
“Pero napakawalanghiya niya! Hindi na niya ako iginalang at pati ikaw ay pinagtangkaan.’’
“Kalimutan mo na yun, Babe. Wala namang nangyari sa akin. Napaghihipuan lang naman ako.’’
“Sige pag-iisipan ko.’’
“Ang asikasuhin mo na lang ay ang pagbebenta ng mansion. Mas mahalaga ito Babe.’’
Napatango si Nath.
NASA kanilang probinsiya si Alexis. Ipinagtapat ang lahat sa kanyang tatay. Inamin niya ang pagkakamali at nagsisisi na siya.
“Humingi ka ng tawad kay Nath. Mabait naman ‘yun.’’
“Natatakot ako Tatay.’’
(Itutuloy)
- Latest
