Ahas sa Garden (38)
“AMININ mo na, Alexis, may pagnanasa ka sa malanding si Brenda!” sabi ni Manang.
“Wala akong pagnanasa!’’
“E bakit ipinagtatanggol mo ang landing ‘yun?’’
“Hindi ko naman ipinagtatanggol.’’
“Parang ayaw mo siyang mapaalis dito. Pinipigilan mo akong gumawa ng paraan para siya mapaalis.’’
“Ang sinasabi ko lang, baka ka mapahamak dahil sa binabalak mo.’’
“Kung talagang kakampi ka sa pagpapaalis sa malanding babae, tulungan mo akong gumawa ng paraan. Tayong dalawa ang mag-isip kung paano mapapalayas dito si Brenda.’’
“Teka e baka nga tayo mapahamak. Wala namang ginagawa sa atin si Brenda e kung bakit kailangan siyang mapaalis.’’
“Siya nga ang dahilan kaya nagkaroon nang maraming pagbabago rito. Pati ang mga orchids ni Mam, nasira. Malakas ang kutob ko, si Brenda ang nakaisip para magtayo ng swimming pool.’’
“E ano ba ang pakialam natin e sila ang may-ari nito.’’
“Ikaw walang pakialam pero ako meron. Malaki ang utang na loob ko kay Mam.’’
“Hindi kita maintindihan, Manang.’’
“Hay naku, mahirap kang kausapin! Diyan ka na nga!’’
KINABUKASAN, binisita ni Sir Nath ang pinagagawang swimming pool.
“Aba malapit nang matapos ah! Matutuwa si Babe kapag nakita ito.’’
Nakatingin lang si Alexis. Si Brenda nga ang may gustong magpatayo ng swimming pool.
(Itutuloy)
- Latest
