Sadiq(59)
LUMIPAS ang isang buwan, biglang niyaya ni Sadiq si JayR na pumunta sa Batha para tumawag muli sa asawa nitong si Gina sa Pinas. Lunes noon ng hapon at kalalabas lamang nila ng opisina.
“Samahan mo ako JayR, importante lang na makausap ko si Gina.’’
“Sige. Halika na.’’
Sa bus ay halatang walang sigla si Sadiq. Nag-iisip. Nakatingin sa labas ng bus. Nagtataka si JayR sapagkat masayahin si Sadiq at palakuwento.
Nang makarating sila sa Batha, nagmamadali sa pagtawag si Sadiq. Noon ay uso pa ang telephone booth na hinulugan ng halalah o coin.
Habang nakikipag-usap si Sadiq sa asawa nito ay nakatingin si JayR. Mukhang seryosong-seryoso si Sadiq. Mahina ang boses na parang ayaw iparinig sa sinuman.
Hanggang makita ni JayR na umiiyak si Sadiq. (Itutuloy)
- Latest