Sadiq(57)

MINSAN, nakasalubong nila si Pakito sa lobby ng kanilang housing. Iiwas sana si Pakito pero binati Sadiq.

“Kumusta, Kit? Anong balita?’’

“Ha? A e okey lang Sadiq.’’

“Mukhang hindi na kayo nagkakasayahan ng mga kaibigan mo ah.”

“Hindi na nga. Natakot na kasi. Baka makulong at mayantok.’’

“A oo nga. Dapat huwag nang mag-iinuman.’’

“Hindi na nga Sadiq. Sige, may gagawin pa ako,” sabi na tila nagmamadali.

Nagkangitian sina Sadiq at JayR.

“Bakit naging ma­among tupa si Pakito, Sadiq?”

“Ewan ko. Kataka-taka ito. Di ba madalas mang-asar si Pakito?’’

“Oo. Ilang beses na nga akong inasar n’yan.’’

“Baka naisip na mali naman talaga ang ginagawa nila. Siguro’y na­kapagmuni-muni si Pakito. Balita ko, ma­tindi na ang pagkalulong niyan sa sugal.’’

“Baka nga nagbago na, Sadiq.”

“Lahat naman ay maa­aring magbago di ba. Nasa tao na kung mana­natili ka sa masamang kinalalag­yan.’’

“Tama ka Sadiq.’’

MINSAN, isang Biyernes ng hapon, nasa Batha sina Sadiq at JayR. Nagla­lakad sila sa malapit sa jewelry store nang makita ni JayR si Gary na dating karelasyon ni Sadiq. Kinalabit ni JayR si Sadiq.

“Si Gary yun di ba?”

“Hayaan mo siya, JayR!’’

(Itutuloy)