Sa Piling ng Kalapati(89)

MASAYANG ibinalita ni Mommy Donna kay Ruth ang mga nangyari.

“Sabi ko na’t malalaman mo ang address ng iyong sister Mommy,” sabi ni Ruth. “Imposibleng walang nakakaalam ng kinaroroonan niya.’’

“Bukas ko malalaman Ruth. Babalik uli ako.’’

“Ano bang name ng sister mo, Mommy?’’

“Dahlia.’’

“May pamilya na siya?”

“Meron. Pero wala pa yatang anak. Nang huli kaming magkita, wala pa silang anak.’’

“Matagal na kayong hindi nagkikita, baka may anak na nga siya.’’

“Nasasabik na akong makita siya Ruth. Gusto ko magkapatawaran na kami.’’

“Wala namang hindi naaayos, Mommy.’’

“Kapag nalaman ko ang address ni Dahlia sa Laguna, puntahan agad natin ha?’’

“Oo. Magha-hire tayo ng van.’’

“Salamat, Ruth.’’

“Malakas ang kutob ko na magkakapatawaran kayo, Mommy.’’

“Iyan ang dasal ko, Ruth.’’

KINABUKASAN, nagbalik si Ruth sa may-ari ng sari-sari store na si Manang Sol.

“Manang Sol, magandang umaga po.’’

“Magandang umaga naman Donna. Nakausap ko na si Kardo.’’

“Saan daw po sa Laguna nakatira ang sister ko?’’

“Liliw! Malapit daw sa simbahan.”

Tuwang-tuwa si Donna.

(Itutuloy)