Pacquiao sugod na’g pasingot

CEBU, Philippines — Bisan og wala pa’y klarong kompirmasyon kabahin sa iyang sangka ni WBA welterweight champion Lucas Matthysse sa Hunyo, ang Pinoy boxing icon nga si Manny Pacquiao nagsugod na og ensayo ug matud pa nga seryosohon niya ang training alang sa maong sangka.

Si Pacquiao wala mokagat sa pamahayag ni Top Rank Inc. CEO Bob Arum, kinsa miingon nga dili pa final ang maong sangka. Apan si Pacquiao miingon nga moanhi sa Pilipinas si Golden Boy Promotions big boss ug boxing legend  Oscar De La Hoya nga maoy iyang ikasabot aron mahitabo  ang maong sangka.

Ang 39-anyos nga si Pacquiao hinay-hinay nga mipabalik sa iyang kondisyon  uban sa iyang trainer nga si Buboy Fernandez nga mao na ang head trainer sa Pinoy boxing icon. 

Adunay pagduda nga  ang kampo   ni Pacquiao nakigbuwag na ni Hall-of-Famer trainer Freddie Roach. (BANAT NEWS)