‘One Day…Last Day’
Natisod ko kwentong ito sa social media,
English… Tinagalog ko at nakakatawa …
Ito ay isang napakaikling istorya —
“One day may isang ateyista… last day na nya!”
Ngek! Eh yun naman ang pangyayari talaga!
“The Bear and the Atheist” ang title nya basta!
Ang isang atheist siguro’y alam nyo na,
Ang mabuti pa’y simulan natin sa una…
Namamasyal sa gubat isang ateyista,
At manghang-mangha sya sa mga nakikita —
Naglalakihang puno’t ilog na masigla
At naglalarong mga hayop na maganda!
Nang may marinig siya ‘di kaginsa-ginsa,
Nakapangingilabot na kaluskos kumbaga!
Unti-unting nagtayuan balahibo nya,
Palapit nang palapit… dinig kanyang kaba!
At mula sa sukal nanlaki kanyang mata!
Isang higanteng oso tumambad sa kanya!
Nang dambuhalang halimaw siya’y makita,
Hindi sya tinantanan at hinabol na sya!
Ibinigay nang lahat nitong ateyista
Ang kanyang tulin at lakas pagkat alam nya
Na pag galit na oso ay inabutan sya,
Mamamasyal katawan nya sa iba-iba!
Tulad inaasahan ‘di na nya nakaya,
Itong ateyista nadapa at natumba!
At higanteng oso umibabaw sa kanya!
Alam ng ateyistang katapusan na nya!
Nang malalaking pangil at kuko’y makita,
Kasabay ng pag-ungol at naglalaway pa!
Umangat na nang husto at sasalakay na,
Sya’y napapikit… “Oh my god!” ang nasabi nya!
Nang biglang ang lahat waring naging estatwa!
Nakakabinging katahimikan na muna!
At sa ‘di makapaniwalang ateyista,
Isang liwanag sumilaw sa kanyang mata!
Isang tinig nagsimulang dumagundong na,
“Itinatwa mo Ako’t hindi kinilala…
At yan sa ibang tao’y tinuturo mo pa!
Sa tingin mo ba ngayon tutulungan kita?”
“Sa Akin ba ngayo’y naniniwala ka na?”
Tiningnan ang liwanag nitong ateyista,
“Magiging mapagpanggap ako kung ngayon pa
Hihinging magtiwala ako sa ‘yo ‘di ba?”
“Kung ituturing akong Kristyano ay ‘wag na…
Hmmm… siguro itong oso pa, pupwede ba?”
Katahimikan… ang Tinig sabi sa kanya,
“Kung ganon ateyista ay masusunod ka!”
Mabalasik na mukha ng oso’y nag-iba,
Umamo… yumuko… pinikit mga mata…
Lumuhod… pinag-daop kamay at sabi nya,
“Salamat Dyos ko sa binigay Mong grasya!”
Ngek! Yan ang pinagbigyan na nag-inarte pa!
Nasa huli raw ang pagsisisi talaga!
Kay Saint Francis of Assisi nagsimba sana,
Too late… hiwalay nagsimba kamay nya’t paa!
- Latest
- Trending