Alden walang kaalam-alam sa bagong makakatambal

Present ang mga taga-GMA Artist Center (GMAAC) sa launch ni Alden Richards as the first celebrity endorser ng Cookie’s Peanut Butter ng mag-asawanag Cookie Yatco at Joy Abalos-Yatco.

Sa April 5 na ang alis niya kasama ang kapwa Kapuso stars na sina Dingdong Dantes, Jennylyn Mercado, Dennis Trillo, Lovi Poe at si Betong Sumaya ang kanilang comedian-host sa Sikat Ka Kapuso for New Jersey concert on April 7 at sa Toronto, Canada sa April 8.  After the shows, pupunta si Alden sa New York para sa two-day one-on-one workshop niya with Anthony Bova in preparation for his new teleserye sa GMA 7. 

At kung papalaring manalo ang documentary niyang Alaala: The Martial Law Special sa New York Festival on Television and Movies on April 10, baka raw dumalo siya roon. Saka pa lamang siya babalik ng Pilipinas, on time naman sa mall show niya ng Cookie’s Peanut Butter sa Megamall Event Center sa SM Megamall on April 22.

Ang isa pang itinanong kay Alden ay kung sino ba talaga ang magiging leading lady niya sa bago niyang series, hindi pa rin daw niya alam kung sino, depende na raw lamang kung sino ang may gustong makipagtrabaho sa kanya.

Bibeth, tatapusin ang nasimulan ni Direk Maryo

Nangako si Bibeth Orteza, nang siya ang mapili na pumalit sa yumaong si Direk Maryo J. delos Reyes to head the ToFarm Film Festival na itutuloy niya anuman ang nasimulan nito ngayong malapit na muli ang 3rd year ng filmfest na brainchild ng socio-entrepreneur na si Dr. Mila O. How.  Ito lamang ang film festival sa bansa na ang entries ay nagpapakita ng buhay ng farmers, their journey, trials and triumphs.

This year, may isinali silang bagong category, ang short film competition.  Kasama nga ni Bibeth si Joey Romero as managing director at magiging consultant nila si Direk Laurice Guillen.

Ang 3rd ToFarm Film Festival will start on September 12 to 18 at gaganapin naman ang awards night sa September 15.  This year’s theme is A Tribute to Life: Parating Na.