Unsay bakak, unsay tinuod

Gawas nga naalarma sa pasalig nga 12-0 nga resulta, daghang giluod sa ulug-ulog ni Presidente Ferdinand Marcos Jr. sa iyang mga gipadagan pagka senador sa eleksiyon karong Mayo sa pagsugod sa ilang kampanya sa Ilocos Norte niadtong Martes. Niang kalainan sa iyang mga pagdayeg ug sa aktuwal nilang gihimo:

1.Ingon niya: Wala sa kanila ang may bahid ng dugo dahil sa tokhang.

* Unsay tinuod: Walay bisan usa nila, apil na ang presidente, nga nisupak sa extrajudicial killings (EJKs) ni kanhi Presidente Rodrigo Duterte. Gani, silang Tito Sotto, Ping Lacson, Manny Pacquiao ug Cynthia Villar (inahan ni Camille Villar nga nagtuong dunay titulo sa labing menos duha ka lingkoranan sa Senado) nipahunong sa imbestigasyon batok sa EJKs pinaagi sa pagpalagpot ni kanhi Senador Leila de Lima isip chairperson sa Justice and Human Rights Committee.

1.Ingon niya: Wala sa kanila ang kasabwat sa pagbulsa ng sako-sakong pera, pinagsamantalahan ang krisis ng pandemya, pinabayaan ang ating mga kababayan na magkasakit at mamatay.

* Unsay tinuod: Wala mopirma sa report sa Senate Blue Ribbon Committee niadtong 2022 nga nitulisok ni kanhi Presidente Duterte nga maoy tinuod nga utok sa P8.6 bilyones nga Pharmally scandal silang Imee Marcos, Lito Lapid, Bong Revilla, Pia Cayetano Francis Tolentino ug Cynthia Villar (inahan ni Camille Villar nga nagtuong dunay titulo sa labing menos duha ka lingkoranan sa Senado).

1.Ingon niya: Wala po sa kanila ang tilang sakristan ng isang bulaang propeta na nasasakdal dahil sa pagyurak sa ating kabataan at ating kababaihan.

* Unsay tinuod: Walay usa nila nga nisuporta sa imbestigasyon sa Senado batok ni Apollo Quiboloy nga gipasiugdahan ni Senador Risa Hontiveros sa niaging tuig. Gani, nipirma sa resolusyon pagsupak sa Senate arrest warrant batok ni Quiboloy silang Imee Marcos ug Cynthia Villar (inahan ni Camille Villar nga nagtuong dunay titulo sa labing menos duha ka lingkoranan sa Senado).

1.Ingon niya: Wala sa kanila ang tagataguyod ng pugad ng krimen.

* Unsay tinuod: Nibotar paglegalisar sa Philippine Offshore Gaming Operators (POGO) niadtong 2021 silang Tito Sotto, Manny Pacquiao, Bong Revilla, Pia Cayetano, Imee Marcos ug Cynthia Villar (inahan ni Camille Villar nga nagtuong dunay titulo sa labing menos duha ka lingkoranan sa Senado).