^

Opinion

Buhi pa ta sa unang 100 ka adlaw

ARANGKADA - Leo Lastimosa - The Freeman

Gikan sa iyang kaugalingong baba, hinukad sa iyang kaugalingong panghunahuna ug pinasikad sa iyang kaugalingong paniid sa iyang administrasyon, giangkon ni Presidente Ferdinand Marcos Jr. nga ang labing importante niyang nahimo sa unang 100 ka adlaw sa Malacañang mao ang mosunod:

• Naglihok ang gobyerno;

• Nakatudlo siya og mga opisyal sa gabinete ug mga ahensiya nga iyang gihulagway nga maoy labing brayt ug nagsakripisyo pagdawat sa mas gamayng kita aron makaserbisyo sa nasud;

• Nakatakda sila og mga plano unsay sunod nga himuon; ug

• Ang dako niyang mayoriya sa niaging eleksiyon nakadasig sa nasud.

 * * *

Ambot nganong way nakahunghong sa presidente nga ang pagpalihok sa gobyerno di angay nga himuon target, ug labaw nang di angay nga ipasigarbo, sa unang 100 ka adlaw sa bisan unsang administrasyon.

Kay mao nay minimum, ang labing menos, nga mahimo ni bisan kinsang namunoan --pagduma sa trapiko, pagpakatap sa mga polis, pagkolekta og buhis, pagpanuweldo sa mga trabahante, pagbayad sa mga utang ug uban pa. Pero unsa may iyang nahimo pag-iban sa kalisod tungod sa pagmahal sa pagkaon, tubig, kuryente, ug abangan sa balay ug pagkataktak sa mga trabahante?

 * * *

Mahimong brayt ang pipila sa iyang natudlo. Mahimong nisurender sila sa mas dakong kita aron makatabang pagduma sa nasud. Pero way nahimo pagbadlong sa iyang mga pataka --paglikoy sa krisis sa asukar, pinatuyangang parties, ug minilyon ka pesos nga balor sa junket sa Singapore.

Unsa may iyang bugti sa ilang sakripisyo? Gilaktawan sila sa iyang mga alyado sa Commission on Appointments. Unsaon pagbilib sa lokal ug langyawng mga negosyante nga wa man gani makapahimutang sa iyang economic team?

 * * *

Gikuwangan tingali sa iyang nasulti nga mga nahimo sukad nibanos sa gahom sa udtong tutok sa Hunyo 30, si Presidente Ferdinand Marcos Jr. nipuno paghisgot sa iyang mga biyahe sa ubang kanasuran. Diin nakigtagbo sa mga lider sa gobyerno ug langyawng mga negosyante. Niangkon nga malampuson niyang napadangat ang importante nga mensahe. Nga mao na ni ang Pilipinas human sa kapin sa duha ka tuig nga pandemya:

• Naglihok ang gobyerno;

• Nakatudlo siya og brayt nga mga opisyal;

• Nakatakda sila og mga plano unsay sunod nga himuon; ug

• Ang dako niyang mayoriya sa niaging eleksiyon nakadasig sa nasud.

FERDINAND MARCOS JR.

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with