^

Opinion

Ang COA ni Duterte

ARANGKADA - Leo Lastimosa - The Freeman

Gawas nga napakyas sa saad pagpapas sa pangurakot sud sa unom ka buwan, ang pamunoan ni kanhi Presidente Rodrigo Duterte nagbilin og nagkabulingit nga mga transaksiyon. Nga pulos gipasangil batok sa iyang mga tinudlo sa nagkalainlaing ahensiya.

Bisan nahudlat niyang burukrasya sa niaging unom ka tuig, isog nga nisubli sa mga transaksiyon ug nibisto sa mga anomaliya sa iyang pinalabing mga opisyal ang Commission on Audit (COA). Kansang auditors iyang gihulga nga ihagbong sa hagdanan sa mayor pa sa Davao City ug ipa-kidnap ug ipa-torture sa dihang nilingkod nang presidente.

 * * *

Kadako kaha sa kalipay ni Duterte nga napupos ang termino sa kanhi tsirman sa COA atol sa iyang termino. Kadako kaha sa kahinangop sa kahigayonan pagpili og bag-ong pangulo sa COA nga, sama sa uban niyang tinudlo, moyango sa tanan niyang sugo.

Kadako kaha sa katagbaw human niya natudlo nga bag-ong chairperson sa COA ang iyang kanhi sinaligan sa Davao City Hall nga gipasanginlan sab og kahiwian sa, nakatag-an ka, COA. Ug kadako kaha sa kahimangod dihang gilaktawan sa iyang mga alyado sa Commission on Appointments ang iyang tinudlo.

 * * *

Nagtuo tingali si Duterte nga kapugngan unta niyang COA reports nga nimatuod nga nisamot ang pangurakot atol sa iyang administrasyon:

• COA findings sa ?42 bilyones sa Department of Health nga gibalhin sa Procurement Service sa Department of Budget and Management (PS-DBM) nga niresulta sa imbestigasyon sa Senado sa Pharmally;

• ?1.4 bilyones nga PPEs nga gipalit sa PS-DBM bisan way certification nga makapanalipod sa healthcare workers gikan sa COVID-19;

• ?2.4 bilyones nga overpriced ug outdated nga laptops nga gikompra sa PS-DBM para sa Department of Education; ug

• ?3 bilyones nga IT system nga gibayran sa Land Transportation Office bisan nakapasamot sa kalangay sa mga transaksiyon.

 * * *

Naglaom tingali si Duterte nga tinud-on sa iyang kanhi solicitor general nga maoy gitudlo ni Presidente Ferdinand Marcos Jr. nga bag-ong tsirman sa COA nga did-an nang publikasyon sa audit findings.

Nisalig sab tingali sa iyang anak, si Bise Presidente Sara Duterte Carpio, nga makapahinumdom sa administrasyong Marcos nga di kinahanglang dasonan ang COA reports sa pagpasaka mga kasong kriminal nga makaapiki sa ngan sa ilang pamilya.

RODRIGO DUTERTE

Philstar
  • Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with